Avunu Part 2 Trailer Launch - Photos

2012 లో విడుదలయిన చిన్న సినిమాల్లోకెల్లా పెద్ద హిట్ గా "అవును" సినిమాని చెప్పుకోవచ్చు. రవి బాబు దర్శకత్వంలో సురేష్ బాబు తో కలిసి సంయుక్తంగా నిర్మించిన ఈ సినిమా తక్కువ బడ్జెట్ లో రూపొందినప్పటికీ భారీ స్థాయిలో కలెక్షన్స్ సాధించింది. హర్షవర్థన్ రాణే, మరియు పూర్ణ నటించిన ఈ హారర్ చిత్రం పోస్టర్స్ అప్పట్లో అందరినీ ఆకట్టుకున్నాయి."అవును" విజయవంతం కావడంతో ఇప్పుడు అదే సినిమా కి సీక్వెల్ గా "అవును - పార్ట్ 2” వస్తోంది. రవి బాబు దర్శకత్వంలో సురేష్ బాబు తో కలిసి -"సురేష్ ప్రొడక్షన్స్" మరియు "ఫ్లైయింగ్ ఫ్రాగ్స్" సంస్థలు ఈ సీక్వెల్ ని నిర్మిస్తున్నాయి. షూటింగ్ ముగించుకుని ప్రస్తుతం పోస్ట్ ప్రొడక్షన్ లో ఉన్న ఈ సినిమాకి సంబంధించిన ట్రైలర్ ఈ వారాంతంలో విడుదలవ్వబోనుంది. గతంలో "అవును" ట్రైలర్స్ కి వచ్చిన రెస్పాన్స్ దృష్ట్యా "అవును -పార్ట్ 2” ట్రైలర్ కూడా చాలా ఇంట్రస్టింగ్ గా ఉండబోతుందని సమాచారం.

మొదటి సినిమాలో నటించిన హర్షవర్థన్ రాణె మరియు పూర్ణ ఈ సినిమాలో కూడా ప్రధాన పాత్రలు పోషిస్తున్నారు. శేఖర్ చంద్ర ఈ చిత్రానికి సంగీతం అందించారు